Mulleres do mar das zonas da Ría de Vigo-A Guarda, Ría de Pontevedra, Ría de Arousa e Costa da Morte participaron nunha xornada na que visitaron as instalacións do Instituto Galego de Formación en Acuicultura (Illa de Arousa) e a Asociación Cultural Guimatur, que dende hai máis dunha década desenvolve experiencias de turismo mariñeiro en Cambados.
Mariscadoras da Ría de Muros-Noia visitaron este xoves as súas colegas do norte co fin de dar a coñecer a Asociación de Mulleres do Sector Pesqueiro Seo de Fisterra-Ría de Muros-Noia, da que forman parte, e alentalas a integrarse neste novo espazo de intercambio e toma de decisións. O colectivo busca reforzar o papel das mariscadoras, armadoras, redeiras e percebeiras da Costa Sostible dentro e fóra do seu ámbito de traballo.
Trala iniciativa de Amegrove, Vilanova e Carril, na Ría de Arousa, maila experiencia das mariscadoras de Poio, Lourizán, Raxó e San Telmo na Ría de Pontevedra, tocoulles a vez ás mariscadoras de Arcade. Este xoves realizaron o primeiro ensaio da visita guiada de turismo mariñeiro deseñada por elas mesmas para dar coñecer o seu traballo na Ría de Vigo.
O programa EMBARCA continúa explorando os itinerarios deseñados polas mariscadoras de Candiera que elixiron emprender no ámbito do turismo mariñeiro. Tralos primeiros test en Amegrove, Vilanova de Arousa e Carril, as mulleres do mar do Galp Ría de Pontevedra xuntáronse en Poio para percorrer a 'Ruta da Seca'.
As mariscadoras de Arcade achegáronse ás instalacións do Centro de Investigación Mariña da Universidade de Vigo para coñecer o traballo que desenvolve e o aproveitamento que se fai das súas investigacións. Foi no marco do programa ALIADAS 'Nós aprendemos, nós ensinamos'.
Unha vintena de mariscadoras e emprendedoras do Golfo Ártabro Norte dos concellos de Miño, Pontedeume, Fene, Ferrol e Mugardos xuntáronse nunha nova sesión de Saberes e Sabores para poñer en valor os produtos mariños do seu contorno a través de novas elaboracións.
O programa de formación e fomento do asociacionismo volveu acompañar as mulleres do Mar de Poio e da Ría de Pontevedra que ao longo dos últimos meses traballaron na identificación das principais doenzas que padecen as mulleres do mar. Agora están a piques de presentar un cartel que lles permitirá adquirir novas rutinas de prevención.
Mariscadoras da Ría de Muros-Noia do programa EMBARCA asistiron a un obradoiro de cociña creativa e de produto impartido por Miguel Mosteiro. A súa experiencia como mariñeiro, antes que chef, valeulles ás mulleres da Costa Sostible para apreciar o xénero co que traballan a cotío non só como un bocado exquisito, senón tamén como recurso mariño de primeiro nivel.
As mulleres do GALP Seo Fisterra-Ría de Muros-Noia terán a oportunidade de empregar na cociña as súas propias conservas no transcurso dun taller que se vai desenvolver no Viveiro de Empresas de Noal, no concello de Porto do Son.
Preto dun cento de mulleres dos GALP Costa da Morte, Ría de Arousa, Ría de Pontevedra e Ría de Vigo-A Guarda xuntaranse este venres 8 de xuño na Illa de Arousa (Instituto Galego de Formación en Acuicultura) e Cambados (Guimatur) para desenvolver unha visita técnica orientada ao turismo mariñeiro no marco do programa EMBARCA de Candieira.
O pavillón Fexdega de Vilagarcía de Arousa volveu reunir as mulleres do GALP Ría de Arousa nun encontro dedicado á construción dun relato que dea a coñecer o seu oficio como bateeiras, mariscadoras de a pé, de a flote e percebeiras.
Máis dunha trintena de mulleres, mariscadoras e emprendedoras participantes no proxecto EMBARCA, de Candieira, xuntáronse en Pontedeume para afondar na elaboración tradicional de produtos do mar e acrecentar as súas sinerxías na busca dunha maior gobernanza e empoderamento das mulleres do sector pesqueiro.
Ataviadas cunha rede para o cabelo, bata protectora e cobertores plásticos nos pés, mulleres mariscadoras e emprendedoras participantes do proxecto Embarca, de Candieira, asistiron a unha clase práctica no CIFP Coroso. As asistentes puideron observar de primeira man como se elabora e transforma un produto do mar, neste caso o berberecho, ata acabar nunha lata.
Visitarán as instalacións do CIFP Coroso, onde se imparte un ciclo de Procesos e Calidade na Industria Alimentaria, para poñer en práctica dúas receitas, dentro do taller de Candieira “Saberes e sabores do mar e da horta”.
Unha ducia de mulleres pertencentes ás confrarías de Aguiño, de Rianxo e de Vilanova de Arousa participaron na tarde de onte, martes 8 de maio, nunha sesión de comunicación e marketing, dentro do programa Embarca de Candieira.
O GALP Golfo Ártabro Norte organiza, dentro da Rede de apoio e promoción ás mulleres do mar Candieira, unha sesión de "Saberes e sabores" para este luns 23 de abril na Casa do Pescador, en Miño.
Mulleres do mar inscritas nas sesións de acompañamento para emprender en turismo mariñeiro ou impulsar o asociacionismo contan de primeira man a súa aprendizaxe neste dobre programa, iniciado a finais de outubro.
Tras a celebración das primeiras sesións de ALIADAS, programa de acompañamento de corte asociativo, nos territorios de varios dos Grupos de acción local pesqueira que forman parte de Candieira (Costa Sostible, Ría de Pontevedra, Golfo Ártabro Norte e Arousa), ALIADAS prosegue o seu camiño coas primeiras sesións en Arcade e Vilaboa.
O proxecto Candieira pón en marcha un dobre programa para mulleres do mar e emprendedoras que queiran iniciar proxectos empresariais ou asociativos: EMBARCA, programa de formación e asesoramento, e ALIADAS, programa de intercambio de coñecemento e impulso do asociacionismo.
Consulta as datas e inscríbete aquí
O taller de ideas celebrado onte en Sanxenxo e coordinado polo GALP Ría de Pontevedra dá paso a unha nova fase de Candieira, que se centrará agora no acompañamento a emprendedoras e na dinamización do asociacionismo entre as mulleres do sector marítimo pesqueiro e emprendedoras.
O Hotel Sanxenxo acollerá durante a tarde do luns 2 de outubro un taller de xeración de ideas para mulleres de diversos perfís con algo en común: o mar.
A rede de apoio e promoción das mulleres do mar Candieira chega a Miño o martes 26 de setembro cun obradoiro de ideas dirixido ás traballadoras do sector pesqueiro e outros sectores que teñan relación co mar (turismo, hostelería, restauración), e tamén para interesadas en desenvolver iniciativas económicas ou asociativas. O obxectivo: favorecer o emprendemento, o empoderamento e a busca de sinerxías entre elas.
O encontro, dirixido principalmente ás mulleres do sector pesqueiro, transcorrerá entre as 17 e as 21 horas e contará coa presenza de mulleres con iniciativas inspiradoras, tanto económicas como asociativas.
Coinciden na necesidade de crear alianzas entre elas e impulsar a formación e a información.
A rede de apoio e promoción das mulleres do mar Candieira desembarca este martes 19 de setembro en Vilanova de Arousa para ofrecer un obradoiro dirixido ás traballadoras do sector pesqueiro e outros sectores que teñan relación co mar (turismo, hostelería, restauración), e tamén para interesadas en desenvolver iniciativas económicas ou asociativas. O obxectivo: favorecer o emprendemento, o empoderamento e a busca de sinerxías entre elas.
O Parador de Baiona acolle este venres 15 un taller de xeración de ideas aberto a mulleres do mar e emprendedoras. Nos vindeiros meses o equipo técnico da rede Candieira, creada para favorecer o emprendemento e o asociacionismo entre as traballadoras do mar, acompañará e asesorará algunhas destas iniciativas.
Cabana de Bergantiños acolle o primeiro taller de ideas, dirixido a mulleres das zonas costeiras e/ou que queiran levar a cabo iniciativas económicas ou asociativas.
Cabana de Bergantiños, Baiona, Vilanova de Arousa, Miño e Muros acollen sesións de traballo dirixidas a mulleres das zonas costeiras que queiran levar a cabo iniciativas económicas ou asociativas relacionadas co mundo do mar
Muller, mar e rede son as claves do proxecto
O proxecto de cooperación Candieira, que promoven seis Grupos de Acción Local do Sector Pesqueiro (GALP) (Ría de Pontevedra, Golfo Ártabro Norte, Costa da Morte, Seo de Fisterra-Ría Muros-Noia Costa Sostible, Ría de Arousa e Ría de Vigo-A Guarda), celebrou este mércores dous encontros na Casa do Pescador de Miño.
Entre o 4 e o 19 de xullo celebraranse xuntanzas con institucións, axentes locais e persoas a título individual que queiran implicarse no proxecto Candieira, a Rede de apoio á muller da costa galega organiza os primeiros encontros locais
O obxectivo de Candieira é promover a igualdade no ámbito pesqueiro.